Presidenti Meta ka shprehur mirënjohjen e tij për ndihmat e ardhura nga Kosova për të prekurit nga tërmeti.
I ftuar në emisionin “Debat Plus” në RTV Dukagjini, Meta tha se ndihma e ofruar ka qenë tepër masive dhe profesionale.
“Falenderim të madh dhe shumë mirënjohje për Kosovën për gjithçka ka bërë dhe po bën. Reagimi i autoriteteve kosovare ka qenë i menjëhershëm. Ndihma ka qenë profesionale dhe masive”, tha ai.
Gjatë intervistë, kreu i shtetit u pyet nëse do ta mbledhë Këshillin e Sigurisë Kombëtare lidhur me tërmetin. Meta u përgjigj se ai e ka krijuar prej kohësh këtë gjë, teksa thekson se duhet marrë seriozisht zgjidhja e problemeve e personave të prekur.
“Unë prej kohësh e kam shprehur angazhimin tim për të mbledhur Këshillin e Sigurisë Kombëtare për këtë çështje, por edhe për çështje të tjera. Padyshim dhe në të ardhmen mund të mblidhet. Por më e rëndësishme tani është të merret seriozisht zgjidhja e problemeve me të cilat përballen aktualisht banorët më të prekur nga tërmeti”, tha presidenti Meta.
