Lëkundjet e forta të tërmetit në Tiranë kanë shkaktuar panik në kryeqytet dhe në qytetet e tjera në vendit. I quajtur si një nga tërmetet më të forta të 20-30 viteve të fundit. Ndërkohë që raportohet se po punohet për të evidentuar dëmet dhe për t’u ardhur në ndihmë zonave të dëmtuara.
“Termeti me magnitude 5.8 Rihter dhe intensitet mbi 7.5 balle, 30 km ne veri te Durrësit…ne bregdet afer kepit rodonit…termeti me i forte ne 20-30 vitet e fundit|, bën te ditur IGJEUM.
Banorë të shumtë kanë dal në rrugë nga frika e ripërsëritjes së lëkundjeve të forta. Ndërkohë nga informacionet paraprake, dëme të shumta materiale kanë ndodhur në të gjitha qytetet e vendit.
Ndërkohë, situata është më e rënduar në qytetin e Durrësit. Ku një sërë ndërtesash kanë pësuar plasaritje, si edhe thyerje xhamash. Në fshatin Helmes, në Tiranë janë shembur disa shtëpi. Po, ashtu raportohet për dëme serioze në një pallat në zonën e Don Boskos. Policia ka ndërhyrë për të bërë evakuimin e banorëve, pasi konsiderohet i pabanueshëm.
