Zv.kryetari i LSI-së, Luan Rama, ka komentuar me nota të ashpra menaxhimin e situatës pas tërmetit nga qeveria e kryeministrit Edi Rama.
Përmes një postimi në Facebook, Rama e cilëson të neveritshme sjelljen e qeverisë në lidhje me këtë situatë. Ai ka falenderuar qytetarët kosovarë për ndihmat e tyre të ofruara për të prekurit nga tërmeti. Gjithashtu ai shpreh mirënjohjen e tij ndaj trupave që vendet e huaja kanë ofruar për operacionet e kërkim-shpëtimit.
Postimi i plotë:
Të papërgatitur për të reaguar me shpejtësi dhe profesionalizëm!
Të neveritshëm në shfaqjen e shëmtuar, për t’a përdorur fatkeqësinë e pasojave të rënda të tërmetit për propagandë!
Të pështirë në maninë për të pushtuar ekranet si shpëtimtarë të mëdhej!
Faleminderit vëllezërve nga Kosova për ndihmën me gjithë zemër, por edhe për modelin e shkëlqyer të gatishmërisë, disiplinës dhe profesionalizmit për t’u marrë shembull!
Mirënjohje trupave të vendeve mike për kontributin e paçmuar!
Solidaritet zemrash për ta përballuar sëbashku fatkeqësinë e natyrës
