Tërmeti i 26 nëntorit shkaktoi viktima, të plagosur dhe dëme të konsiderueshme materiale. Shumë qytetarë u zhvendosën nëpër hotele, çadra, por edhe në Kosovë. Shumë biznese hapën dyert, duke iu qëndruar pranë në këto ditë të vështira. Ndonëse shumë pallate dolën jashtë funksionit, qytetarët kanë menduar për ti nxjerrë në shitje.
Një rast i tillë i përket një familjari, i cili po e shet apartamentin 55 mijë euro, me arsyetimin se kanë pësuar dëme tullat e pallatit. Pronari ka bërë skonto vetëm 10 mijë euro, me shpresën se apartamenti i tij do të shitet më shpejtë. Ndonëse shihet mjaft qartë nga pamjet se pallati është totalisht i dëmtuar, dhe banorët nga aty janë evakuuar.
Mijëra banesa janë dëmtuar, dhe për këtë Rama ka ngritur Komitetin e Rindërtimit. Ai ka premtuar se do të ndërtohet nga fillimi çdo banesë që ka dëme të strukturë, ndërsa ato që kanë dëme në mure do të riparohet nga firmat e ndërtimit.
