Greqia nuk po gjen qetësi nga lëkundjet sizmike. Kreta prej dy javësh vijon që të goditet nga lëkundje sizmike, por ajo që u regjistrua sot ishte më e forta.
Një tërmet i fortë me magnitudë 6.2 i shkallës Rihter, shkundi jugun e Kretës mesditën e sotme.
Epiqendra u regjistrua 30 kilometra në juglindje të Zakros. Thellësia vlerësohet se ishte pesë kilometra, duke shkaktuar lëkundje të forta. Fatmirësisht, nuk ka raportime për të lënduar.