Tërmeti i të martës la pas viktima dhe shumë ndërtesa të dëmtuara ose të pabanueshme. Ekspertët kanë vënë në dukje se pavarësisht se tërmeti ishte i fuqishëm, fajtorë për një pjesë të viktimave janë ndërtimet e dobëta, të cilat nuk plotësojnë kushtet e sigurisë teknike. Mbi këtë gjë, kryeminstri Rama ka ngritur propozime dhe masa që katastrofa të tilla të mos përsëriten.
Duke hequr një paralale, në 6 shkurt të vitit 2016 Tajvani u godit nga një tërmet i fuqishëm me magnitudë 6.4, një nga lëkundjet më të forta të regjistruara në 15 vitet e fundit në vend. Tërmeti në Taivan shkaktoi 117 të vdekur e 550 të plagosur.
Çfarë masash mori qeveria?
Vetëm tre ditë pasi kishte ndodhur tërmeti, autoritetet vendosën prangat ndaj dy arkitektëve dhe ndërtuesve të një kompleksi të madh pallatesh, një nga vendet ku u shënuan më shumë viktima. Arrestimet u bënë me argumentin e neglizhencës profesionale.
Kulla e njohur Golden Dragon u shemb duke zënë me qindra njerëz brenda. Nga hetimet u zbuluase në ndërtimin e strukturës ishin përdorur vetëm gjysma e numrit të kolonave të parashikuara në projekt.
Ndërsa për godinat e tjera që ishin të dëmtuar u hetuan derisa u bë zbardhja e plotë dhe të gjithë ata që ishin përgjegjës u vunë përpara drejtësisë. Vetëm pas këtij momenti, opinioni publik gjeti qetësi dhe vendi u fokusua në krijimin e paketave ligjore detyruese për të marrë masat e duhura që të tilla fatkeqësi mos përsëriteshin.
Familjarët e prekur nga tërmeti/ Rama: Ja ku do ju çojmë pas Vitit të Ri
