Një tërmet me një magnitudë prej 7.6 ka shkundur rajonin e Lindjes së Largët të Rusisë, duke goditur Ishujt Kuril, dhe duke shkaktuar një paralajmërim për cunami. Tërmeti është ndjerë në të gjithë rajonin, me një thellësi prej 56.7 kilometra.
Vendasit e tmerruar kanë shpërndarë pamjet në mediat sociale, disa duke thënë se “asnjëherë nuk kanë ndjerë diçka të tillë”.
https://www.youtube.com/watch?v=xvw15Q6-pXw
Forca e lartë e tërmetit ka dhënë alarmin për cunami në tre shtete. “The Telegraph” shkruan se Qendra Kombëtare e Cunamit në Shtetet e Bashkuara të Amerikës, është duke monitoruar situatën, pasi paraqitet një rrezik real për Alaskën dhe bregun perëndimor të Amerikës.
Gjithashtu alarmi për cunam është dhënë edhe për Japoninë, pasi lëkundjet e forta mund të ndryshojnë nivelin e detit në brigjet e Japonisë.
