Pas situatës alarmante që u krijua në vend, si pasojë e tërmeteve të shumta që goditën kryesisht qytetin e Durrësit dhe të Tiranës, kanë ardhur reagime nga zyrtarë të shumtë shqiptarë dhe jo vetëm.
Mesazhi më i fundit vjen nga presidenti i Parlamentit Evropian, David Sassoli, i cili nëpërmjet një postimi në Twitter, shpreh mbështetjen e tij për popullin shqiptar dhe kryesisht për familjet e prekura, si pasojë e këtyre tërmeteve.
“Në këto orë të vështira, ne qëndrojmë me popullin shqiptar. Mendimet tona janë me ato që janë lënduar ose kanë humbur shtëpitë e tyre. Evropa është e gatshme të ndihmojë në rimëkëmbjen dhe rindërtimin”, shkruan Presidenti i PE.
Shqipëria u godit ditën e shtunë nga një tërmet 5.8 ballë, më i forti në 30 vitet e fundit, me epiqendër në Detin Adriatik, pak kilometra larg qytetit të Durrësit.
Më pas tërmetet kanë vijuar edhe në ditët në vazhdim, ku deri më tani janë numëruar rreth 300 lëkundje sizmike.
In these difficult hours, we stand with the Albanian people. Our thoughts are with those who have been injured or lost their homes. Europe is ready to assist in the recovery and reconstruction. pic.twitter.com/Gfor1wv3Bb
— Roberta Metsola (@EP_President) September 23, 2019
