Ambasadori i Bashkimit Evropian në Shqipëri Luigi Soreca së fundmi ka reaguar lidhur me tërmetet shkatërrimtare që goditën Shqipërinë.
Soreca ka bërë një postim në rrjetin social Twitter, ku ndër të tjera shkruan se disa shtete anëtare të BE-së po bashkohen për të dhënë kontributin e tyre.
“BE-ja qëndron në solidaritet me Shqipërinë në këtë kohë të vështirë pas tërmetit dhe mbështetja e konsiderueshme e BE-së është tashmë në rrugën e saj drejt Shqipërisë. Disa shtete anëtare të BE-së po bashkohen për të dhënë kontributin e tyre”, shkruan Soreca.
The #EU🇪🇺 stands in solidarity with #Albania🇦🇱 in this difficult time after the earthquake and substantial EU support is already on its way to Albania. Several EU Member States are joining the assistance efforts. #EUforAlbania 🇪🇺🇦🇱 https://t.co/a5Ah45GUsl
— Luigi Soreca🇪🇺 (@LSorecaEU) September 26, 2019
Shtetet e para që kanë ofruar ndihmë për Shqipërinë janë Austria, Kroacia, Hungaria, Sllovenia dhe Norvegjia , ndërsa BE pohon se do të vendosë gjithashtu një ekip të Mbrojtjes Civile nga disa ekspertë për të lehtësuar koordinimin e ndihmave në të ardhmen. Komisioneri për Ndihmën Humanitare dhe Menaxhimin e Krizave Christos Stylianides, ka shprehur gatishmëri ndaj nevojave që ka sot vendi ynë.
