Zlatan Ibrahimoviç ka një karakter mjaft të vështirë dhe këtë e trtegon në cdo moment, brenda dhe jashtë fushës së lojës. Në kampionatin amerikan të futbollit (MLS), gjiganti suedez tërheq gjithmonë vëmendjen jo vetëm me golat që shënon, por edhe me sjelljen e tij. Episodi me rol kryesor sërish Ibrahimoviç vjen nga sfida mes Los Angeles Galaxy dhe Real Salt Lake.
Zlatan shënoi gol dhe më pas shpërtheu të gjithë irritimin e tij në dëm të Nedum Onuoha. Mbrojtësi kundërshtar kishte fajin e vetëm, që e kishte markuar suedezin shumë fortë gjatë gjithë ndeshjes. Pas përplasjes në fushë, dy lojtarët u përballën edhe në tunelin që të çon në dhomat e zhveshjes dhe për t’i ndarë u desh ndërhyrja e shokëve të tyre të skuadrës.
