Policia greke ka arrestuar dy persona në kufirin Greko-Shqiptar, pasi në makinën e tyre janë gjetur 38 kg e 410 gr lëndë narkotike, të dyshuar si kanabis. Njëri prej arrestuarve mësohet të jetë shqiptar, ndërsa kombësia e të dytit ende nuk është bërë e ditur.
Operacioni është zhvilluar në Sajadhe dhe Igumenicë, ku është ndaluar një automjet që vinte nga kufiri i gjelbër.
Që prej fillimit të vitit, policia greke ka sekuestruar kryesisht pranë kufirit, por edhe ne zona te tjera, rreth 9.5 tonë marijuanë që dyshohet se vinte nga Shqipëria.
