Tre shqiptarë kanë rënë në prangat e Policisë Italiane, pasi akuzohen për vjedhje.
Të arrestuarit janë të moshave 24, 28 dhe 34 vjeç, të cilët banonin në Prato. Sipas mediave vendase, shqiptarët u vunë re fillimisht nga komshiu, teksa kishin hipur në ballkon.
Komshiu menjëherë sapo pa hajdutët që po tentonin të grabisnin banesën, ka lajmëruar policinë. Raportohet se pronari i vilës nuk gjendej aty në momentin e vjedhjes. Pas telefonatës së fqinjit, autoritetet shkuan në vendin e ngjarjes, ku bënë të mundur dhe arrestimin e të rinjve nga Shqipëria.
Gjatë kontrollit, policia gjeti në makinën e autorëve dorashka, maska dhe mjete të tjera që përdoren për grabitje.
