Një tentativë për grabitje është regjistruar pak minuta më parë në Tiranë, në zonën e njohur si rruga e “Barrikadave”, në një pikë të këmbimit valutor.
Mësohet se dy persona e kanë goditur me levë punonjësin e “Exchage”-it, i cili po dërgonte drejt bankës një çantë me para.
Ndërhyrja në kohë e policisë bëri që njëri prej grabitësve të arrestohet, ndërsa tjetri është shpallur në kërkim.
Ndër të tjera, mësohet se policia përdori altoparlantët e makinës duke u bërë thirrje drejtuesve të mjeteve për ti hapur rrugën.
