Policia e Fierit ka shpallur në kërkim një person dhe ka proceduar penalisht një tjetër.
27-vjeçari E.M (K), është shpallur në kërkim pasi tentoi të vriste me armë zjarri 23 vjeçarin K.P i cili fatmirësisht mbeti i plagosur në këmbë.
Ky u fundit u procedua penalisht për moskallëzim krimi.
Ngjarja ndodhi mbrëmjen e 20 nëntorit në lagjen ‘Apolonia’ të Fierit.
”Specialistët për Hetimin e Krimeve në Komisariatin e Policisë Fier, shpallën në kërkim dhe po punojnë për kapjen e shtetasit E. M. (K)., 27 vjeç, banues në Fier si edhe proceduan penalisht për veprën penale “Moskallzim krimi” shtetasin K. P., 23 vjeç, banues në Fier, pasi mbrëmjen e datës 20.11.2020, në lagjen “Apollonia” Fier, shtetasi E. M., (K)., pas një konflikti për motive të dobëta, ka tentuar të vrasë me armë zjarri shtetasin E. M., 23 vjeç, banues në Fier, i cili ka mbetur i plagosur në këmbë dhe ndodhet në spital nën kujdesin e mjekëve.’’, informon policia.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje e mbetur në tentativë”, “Armëmbajtje pa leje” dhe “Moskallëzim krimi”.
