Policia italiane ka arrestuar një 38-vjeçar shqiptar, pasi u kap me 16 kg heroinë teksa po zbarkonte nga një anije nga Durrësi në Ankona.
Mësohet se shqiptari synonte që ta shiste mallin në shtetin fqinj. Ngjarja në fjalë ka ndodhur ditën e enjte më 16 janar por vetëm sot është bërë e ditur nga autoritetet italiane.
Mediat italiane bëjnë me dije se droga ishte fshehur brenda kamionit të shqiptarit, por që ishte zbuluar nga qentë anti-drogë. Heroina, e cila do t’i nënshtrohet gjithashtu testeve laboratorike, ishte brenda automjetit, e fshehur në një ndarje të posaçme.
Hetimet në lidhje me këtë ngjarje po vijojnë për të zbuluar për kë ishte destinuar ky mall dhe kush e priste atje shqiptarin.
