Gjykata e Korçës ka dhënë sot masën e sigurisë për 20-vjeçarin, që tentoi të rrëmbente një të mitur pak ditë më parë.
Gjykata vendosi shtrimin e detyrueshëm të përkohshëm në një spital psikiatrik, për të akuzuarin. 20-vjeçari, Paolo Vellku tentoi të rrëmbeje një vajzë 4-vjeçare në lagjen nr 17.
Ngjarja u regjistrua më datë 22 maj rreth orës 21:30, pranë shtëpisë së vajzës cila ishte e shoqëruar nga nëna e saj në ato momente.
Ishin disa nga banorët e zonës ata që e kanë ndaluar autorin, i cili e mori me forcë të miturën nga duart e nënës së saj.
Ai është ndaluar vetëm pak metra më tej. 20-vjeçari akuzohet për rrëmbim ose mbajtja peng e personit, parashikuar nga neni 109 paragrafi dytë.
