Artistë dhe qytetarë të shumtë janë mbledhur në një protestë në mbrojtje të Teatrit. Teksa kërkojnë mbrojtjen e godinës së Teatrit Kombëtar, ata janë përplasur me forcat e policisë.
Artistët dhe përfaqësues të shoqërisë civile kanë tentuar të çajnë kordonin e policisë, në tentativë për të hyrë brenda ambienteve të Teatrit Kombëtar.
Ata janë konfrontuar me forcat e rendit, duke shkuar deri afër portës kryesore, por forcat e policisë kanë arritur ti ndalojnë.
Po kështu, ish-deputetë të Partisë Demokratike i janë bashkuar protestës tek Teatri Kombëtar, që tashmë ndodhet i rrethuar nga policia. Situata ka agravuar.
Edhe më herët nuk ka munguar përplasja mes artistëve dhe policisë. Gjatë një përplasje është tërhequr zvarrë regjisori Robert Budina. Artistët shprehen të vendosur se nuk të lejojnë shembjen e Teatrit.
