Temperaturat e ulëta janë regjistruar në të gjithë, por fatmirësisht nuk ka probleme në akset rrugore. Autoriteti Rrugor Shqiptar njofton se të gjitha akset kombëtare janë të kalueshme, teksa i bën apel drejtuesve të mjeteve që të tregohen të kujdesshëm dhe të reduktojnë shpejtësinë. Po kështu mësohet se është punuar me shpërndarjen e kripës, për të shmangur ngricat dhe zgjerimin e akseve me prezencë bore.
“Gjatë natës ka pasur temperatura nën 0 °C, pa reshje në të gjithë vendin. Nuk ka probleme me qarkullimin në të gjitha akset kombëtare, eshtë punuar me shpërndarjen e kripës, për të shmangur ngricat dhe zgjerimin e akseve me prezencë bore.
Drejtuesit e mjeteve duhet të bëjnë kujdes gjatë udhëtimit natën dhe në orët e para të mëngjesit, të respektojnë sinjalistikën, të reduktojnë shpejtësinë, të pajisen me goma dimërore”.
Kryeministri Edi Rama ka publikuar disa pamje nga disa qytete të vendit, që janë përfshirë nga i ftohti i acartë me temperatura shumë të ulëta dhe reshje të dendura dëbore.
“MIRËMËNGJES
dhe me punën që vijon papushim me të gjitha kapacitetet për pastrimin dhe shpërndarjen e kripës në rrugët e zonave të mbuluara me dëborë, ju uroj një fundjavë të qetë”.
