Uniformat blu kanë arritur që të prangosin autorin e një aksidenti me pasojë vdekje, ku në tentativë për të fshehur gjurmët ka hedhur në kanal 83-vjeçarin.
Një 48-vjeçar me inicialet A. H., ka rënë në prangat e policisë ditën e sotme në Elbasan, pasi ka aksidentuar për vdekje një 83-vjeçar. Ngjarja e rëndë ka ndodhur dhjetë ditë më parë në aksin Thane–Elbasan, ku 48-vjeçari pasi e përplasi për vdekje të moshuarin, e hodhi në kanal në mënyrë për të fshehur ngjarjen dhe më pas u largua.
Dhjetë ditë pas krimit, policia bëri të mundur identifikimin e tij, ndërsa u sekuestrua edhe mjeti i tij tip “Audi”. Grupi hetimor, nën drejtimin e Prokurorisë së Rrethit Gjyqësor Elbasan, vazhdon hetimet për zbardhjen e plotë të rrethanave të ngjarjes dhe dokumentimin me prova ligjore.