Sot në orën 19:00 opozita ka paralajmëruar se do të zhvillojë protestën e tetë kombëtare. Ndërkohë, godina e Parlamentit është rrethuar me gardh prej hekuri dhe tela me gjemba.
Po ashtu, forca të shumta policore janë pozicionuar për shmangur çdo incident të mundshëm nga protestuesit drejt institucioneve dhe efektivëve.
Partia Demokratike, pas çaste më parë publikoi shifrat e qytetarëve nga rrethet që do të vijnë në Tiranëm ku deklaroi se do të marrin pjesë mbi 70 mijë protestues.
Nga pamjet e publikuara, arrijmë të dallojmë edhe autobotet me ujë, por janë vendosur edhe kamera me rezolucion të lartë për të identifikuar ata që kryejnë akte dhune.
Opozita ka kërkuar leje për protestë nga ora 19:00 deri në mesnatë, por policia ka dhënë leje vetëm për dy orë, pra deri në 21:00.
