Kryeministri Edi Rama i është përgjigjur deputetes Rudina Hajdari në lidhje me akuzat e saj për shembjen e godinë së Teatrit.
Deputetja akuzoi qeverinë se shembja e godinës u bë për t’i hapur rrugë ndërtimit të kullave në pjesën e pasme të Teatrit.
Gjatë fjalës së tij në Kuvend, Rama tha se ata që protestojnë sot për Teatrin nuk janë tjetër veçse aktorë politikë. Sipas tij, protesta e vërtetë për teatrin është bërë më shumë se 2 vite e gjysmë më parë nga aktorë si: Arben Derhemi, Robert Ndrenika, Bujar Asqeriu, Reshat Arbana etj.
Kreu i qeverisë theksoi se me këtë grup aktorësh është bërë një dialog dhe është rënë dakord për ndërtimin e një godine të re. Ai ka cituar disa nga deklaratat që këta aktorë kanë thënë lidhur me shembjen e godinës së vjetër të Teatrit.
“Kur e nisën protestën për Teatrin, as ju as ata që janë kthyer në bijtë e lënduar të Shekspirit dhe Molierit jo vetëm nuk ishit aty por ju ishte thënë të mos dukeshit aty, aty ishin Robert Ndrenika dhe Arben Derhemi, jo dy Budinat, po i përgjigjem Hajdarit dhe gjithë të lënduarve për çështjen e Teatrit Kombëtar, duke përcjellë besnikërisht fjalët e protestuesve të vërtetë jo aktorëve politikë që luajnë Teatrin, te unaza e re te e vjetra apo aty ku bashkohen dy unazat
Ndrenika: Mos më kryqëzoni kam qenë e jam për Teatër të ri e bashkëkohor që ka detyrë për ta bëjë shteti paratë ti marrë ku të dojë, ndoshta edhe aty ku i merrte Tito.
Derhemi: Të mos preket trualli dhe të shpallet konkurs ekspertësh për Teatrin, skena na njeh kush jemi dhe sa vlejnë, ata që duan të bëjnë shfaqje jashtë tempullit janë jashtë historisë”, tha ai.
