Presidenti Meta zhvillloi një komunikim me gazetarët, ku i informoi ata për platformën me 14 pika që i ka dorëzuar palëve, për të plotësuar angazhimet me Bashkimin Evropian, si dhe për të rikthyer opozitën në sistem.
Por kryeministri Rama hedh poshtë qëndrimin e kreut të shtetit, duke thënë se nuk i ka dorëzuar asnjë platformë.
Ai është kundërpërgjigjur në kohë reale, ndërsa shpreh vullnetin për tu ulur me kreun e shtetit dhe opozitën jashtëparlamentare në një tryezë.
Reagimi i Ramës
Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la
Jemi në prag të miratimit të Planit të Veprimit për Negociatat në Këshillin Kombëtar të Integrimit, s’ka rast më të mirë që Presidenti, Opozita, Institucionet e Drejtësisë,Partnerët Ndërkombëtarë për Drejtësinë dhe Integrimin, të mblidhen URGJENT në një tryezë me karta të hapura.
Presidenti t’i lerë apelet natën për 20 burra e ditën për 11 pika! Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin.
