Aleanca për Mbrojtjen e Teatrit ka thirrur sot një protestë kundër shembjes së godinës së Teatrit Kombëtar dhe kundër qeverisë.
Protestuesit e parë janë mbledhur në Bulevardin Zogu i Parë.
Grumbullimi i njerëzve ka bërë që në zonë të ketë edhe një prezencë të shtuar të forcave të policisë.
Në protestën e sotme do të marrë pjesë edhe opozita e cila në mbledhjen e djeshme vendosi që të mbështesë të gjitha protestat e Aleancës për Mbrojtjen e Teatrit.
Kujtojmë se në orët e para të mëngjesit të së dielës, policia ndërhyri tek Teatri duke shpërndarë fillimisht aktivistët dhe shembur më pas godinën.
