Ministri turk i mbrojtjes Hulusi Akar, tha të shtunën se nuk bëhej fjalë për shënjestrim të pikës vëzhguese amerikane në Siri gjatë operacionit ushtarak i cili është në vazhdim e sipër.
Akar tha se u qëllua me mortaja në drejtim të pikës kufitare turke në rajonin e Suruc-it në provincën Sanliurfa, një kilometër në jugperëndim të pikës vëzhguese amerikane.
Ministri turk, i cituar nga agjensia Anadolu tha se ishte vetëmbrojtje dhe se ishin shënjestruar pozicionet e “terroristëve”.
“Çdo masë paraprake ishte marrë kështu që nuk kishte dëme në bazën e Shteteve të Bashkuara,” tha ai.
Por Akar, konfirmoi se të shtënat ndaluan “sapo Shtetet e Bashkuara e ngritën çështjen tek autoritetet turke.”/TiranaToday
