Policia ka parandaluar një ngjarje të rëndë në Tiranë. Një 42-vjeçar i cili tashmë është vënë në pranga, ka dhunuar babanë dhe ka qëlluar me armë zjarri në banesë. Gjatë ndërhyrjes së uniformave blu, 42-vjeçari i ka kanosur me jetë punonjësit e policisë dhe ka tentuar të largohet, duke përfituar nga errësira. Agresori është kapur pas disa orësh ndjekje dhe kontrolli nga shërbimet e policisë.
Por si ndodhi ngjarja? Shërbimet e Komisariatit të Policisë Nr. 6., kanë marrë njoftim se në banesën e shtetasit Sh.L., 64 vjeç, kishte të shtëna me armë. Në momentin që shërbimet e policisë janë afruar për të hyrë në banesë, shtetasi R.L., 42-vjeç, djali i shtetasit Sh.L, ka kërcënuar me jetë punonjësit e policisë për të mos u afruar në banesë, pasi do t’i qëllonte me armë zjarri.
Policia i ka bërë thirrje 42-vjeçarit që të dorëzohej dhe të hidhte armën, por shtetasi R.L., ka mundur të dalë nga banesa nga një dalje dytësore. Duke përfituar nga errësira, është larguar me shpejtësi.
Pas disa orë ndjekjeje dhe kontrollesh, policia kanë bërë të mundur kapjen e tij në një banesë të braktisur, si dhe sekuestrimin e armës së zjarrit. Shtetasi R.L., pas një konflikti me babanë e tij, shtetasin Sh.L, ka qëlluar me armë zjarri pistoletë në banesë, por pa shkaktuar pasoja.
Njoftimi
Dhunoi babanë dhe qëlloi me armë zjarri në banesë, ndërhyrja në kohë e shërbimeve të Komisariatit të Policisë Nr. 6 parandaloi përshkallëzimin e mëtejshëm, duke evituar një ngjarje të rëndë kriminale.
Në momentin e ndërhyrjes së Policisë, 42-vjeçari i ka kanosur me jetë punonjësit e Policisë dhe ka tentuar të largohet duke përfituar nga errësira, por është kapur pas disa orësh ndjekjeje dhe kontrolli nga shërbimet e Policisë.
Sekuestrohet arma e zjarrit pistoletë, me të cilën autori qëlloi në banesë.
Shërbimet e Komisariatit të Policisë Nr. 6 kanë marrë njoftim se ne fshatin Bulticë, Njësia Administrative Vaqarr, në banesën e shtetasit Sh. L., 64 vjeç, kishte të shtëna me armë. Menjëherë, në drejtim të adresës së dhënë nga qytetarët, janë nisur shërbimet e Policisë.
Në momentin që shërbimet e Policisë janë afruar për të hyrë në banesë, shtetasi R. L., 42 vjeç, djali i shtetasit Sh. L, ka kërcënuar me jetë punonjësit e Policisë për të mos u afruar në banesë, pasi do t’i qëllonte me armë zjarri.
Shërbimet e Policisë i kanë bërë thirrje 42-vjeçarit që të dorëzohej dhe të hidhte armën, por shtetasi R. L. ka mundur të dalë nga banesa nga një dalje dytësore dhe duke përfituar nga errësira është larguar me shpejtësi.
Në ndjekje të tij janë vënë forca të shumta të Komisariatit të Policisë Nr. 6 dhe pas disa orë ndjekjeje dhe kontrollesh kanë bërë të mundur kapjen e tij në një banesë të braktisur, si dhe sekuestrimin e armës së zjarrit.
Shtetasi R. L., pas një konflikti me babanë e tij, shtetasin Sh. L, ka qëlluar me armë zjarri pistoletë në banesë, por pa shkaktuar pasoja.
Në përfundim të veprimeve u bë arrestimi i shtetasit R. L., për veprat penale “Dhuna ne familje” dhe “Armëmbajtja pa leje” dhe materialet procedurale i kaluan Prokurorisë, për veprime të mëtejshme.
