Të shtëna me armë janë raportuar pasditen e sotme në Vlorë, teksa mësohet se është qëlluar në drejtim të një lokali.
Ngjarja ka ndodhur rreth orës 18:30, në fshatin Poro, Novosel në rrethana ende të paqarta, dhe fatmirësisht nuk ka të lënduar.
“Më datë 21.04.2021, rreth orës 18:30, në fshatin Poro, Novosel, në rrethana ende të paqarta, dyshohet se është qëlluar me armë zjarri në drejtim të lokalit në pronësi të shtetasit Gj. N. Nga verifikimet paraprake të bëra nga shërbimet e Policisë, nuk ka persona të dëmtuar.”, informon policia.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë e rrethanave të ngjarjes, si dhe mbledhjen e çdo prove që do çojë në identifikimin dhe kapjen e autorit/ve.
