Një grua dhe djali i saj kanë mbetur të plagosur me armë zjarri nga fqinji i tyre mbrëmjen e sotme në Durrës. Ngjarja ka ndodhur në lagjen 12, teksa të plagosurit janë dërguar në Spitalin e Durrësit.
Në fillim, ata janë zënë me grushte dhe sende të forta, e më pas njëri prej tyre ka qëlluar me armë. Të plagosurit ndodhen në spital dhe po marrin trajtim mjekësor.
Më datë 23.02.2021, rreth orës 20:10, në lagjen nr.12, Durrës, dyshohet se pas një konflikti të çastit për motive të dobëta (për vende parkimi), fillimisht me sende të forta, shtetasi J.Z., rreth 45 vjeç, ka plagosur me armë zjarri në këmbë shtetasin F. Ç., rreth 23 vjeç.
Si pasojë e të shtënave është plagosur në këmbë dhe shtetësja V. Ç., rreth 45 vjeçe, ( e ëma e shtetasit F. Ç.,), e cila ndodhej në momentin e konfliktit dhe është dërguar në spital nga shërbimet e Policisë dhe ndodhet bashkë me djalin nën kujdesin e mjekëve, jashtë rrezikut për jetën.”, informon policia.
Autori i dyshuar shtetasi Z. J., është shoqëruar menjëherë në ambientet e Policisë Durrës për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
