Një plagosje me armë ka ndodhur sot në fshatin Dorëz të Tiranës, pas një konflikti mes disa personash.
Mësohet se sherri ka degjeneruar e më pas janë përdorur armë zjarri. Si pasojë ka mbetur i plagosur rëndë një person, i cili aktualisht po transportohet në spital për të marrë ndihmën e shpejtë. I plagosuri është identifikuar si Enver Karaj.
Po ashtu, policia ka identifikuar dhe ka arrestuar autorin e plagosjes, i cili është Flamur Karaj.
Nuk dihet ende shkaku konkret që ka çuar në plagosjen e Karajt, ndërsa dyshohet se autori dhe i plagosuri kanë lidhje gjaku.
