Kryetari i Partisë Demokratike, Lulzim Basha ka vizituar sot banorët e prekur nga tërmeti në qytetin e Laçit.
Banorët i kanë shprehur shqetësimet e tyre kryedemokratit Lulzim Basha, duke i thënë se nuk kanë vëmendjen e autoriteteve, për të vlerësuar sigurinë e banesave.
Të prekurit në këtë qytet theksojnë se deri më tani nuk ka shkuar asnjë specialist për të parë banorët, megjithëse ka shumë ankesa në bashki. Kreu i PD-së ka kërkuar shpalljen e gjendjes të jashtëzakonshme edhe në qarkun e Lezhës.
Deklarata e PD-së:
Kryetari Basha ndodhet ne Laç, ku ka me qindra banesa të dëmtuara rëndë nga tërmeti. Pranë gjimnazit të qytetit janë ngritur disa çadra, por janë të pamjaftueshme.
Banorët i kanë treguar zotit Basha se nuk kanë vëmendjen e autoriteteve për të vlerësuar sigurinë e banesave. Nuk ka shkuar asnjë specialist për t’i parë ato, megjithëse ka shumë ankesa në Bashki.
Zoti Basha kërkoi shpalljen e gjendjes së fatkeqësisë natyrore edhe në Bashkinë e Laçit, përveç Qarkut të Tiranës dhe Durrësit.
