Kryedemokrati Basha, teksa kërkoi nga ana e qytetarëve që të jenë bashkëpunues me mjekët dhe infermierët, kërkoi nga autoritetet për shmangin e propagandës. Teksa tha se është në dorën e secilit prej nesh për koronavirusin, kreu i PD-së kërkoi një plan masash për të shmangur viktimat dhe të infektuarit.
Basha kërkoi nga qeveria më shumë fonde për të blerë pajisje më moderne, që shkurtojnë periudhën për analizimin e koronavirusit.
“Qeveria në mënyrë urgjente të sigurojë pajisjet për stafin mjekësor. Nëse mjekët nuk i mbrojmë siç duhet, atëherë si mund të mbrojmë qytetarët? Pajisjet për identifikimin e koronavirusit kanë evoluar, që kur epidemia shpërtheu në Kinë. Sipas raportit të ekspertëve, është tashmë e mundshme të merren në përdorim aparatura që nxjerrin analizën brenda 45 minutave.
Kjo do të mundësonte testimin më intensiv, që do të mundësonte parandalimin e përhapjes. Aparaturat janë sot në treg, dhe jam i bindur se edhe Shqipëria mund të përfitojë. 3.5 milion dollarë nuk mjaftojnë. Italia ka vënë miliarda. Na mjafton fondi i vënë në dispozicion”, tha Basha.
Kreu i PD-së, Lulzim Basha tha se është koha për veprim të shpejtë e jo për propagandë. Ai propozoi masat urgjente për të shmangur pasojat nga koronavisi.
PD ka vendosur të propozojë:
1-pezullimin dhe fshirjen e faturave të ujit në zonat ku virusi është shfaqur
2-të ndalohet shkëputja e ujit dhe dritave deri në tejkalimin e gjendjes
3-Përjashtimi nga tatim fitimi për të gjitha subjektet ku është shfaqur virusi, 2 muaj kosto të pagave të punonjësve
4-Përjashtim nga taksa e pronës për tre muaj
5-Përjashtim nga kamatë-vonesat dhe gjobat për 3 muaj
6-Mbështetje për sektorin e turizmit, fason apo call center
7- Kërkojmë rishikimin e buxhetit për përballimin e kostove të të sëmurëve
8-Alokimin e fondeve për testimin e personave të prekur
9- Rritjen e fondeve për shërbimet sociale
10- I bëj thirrje sistemit bankar të riskedulojë këstet e kredive për rrethanat nga kriza.
