Të përjashtuarit e Bashës nga lista e zgjedhjeve të qershorit, kanë filluar planin e tyre të “hakmarrjes”.
Jozefina Topalli, Arben Imami, Ridvan Bode, Astrit Patozi dhe Majlinda Bregu janë rreshtuar kundër kreut të PD-së.
Qëndrimi i tyre kundër përzgjedhjes së listave nisi që me reagimet e para të deputetes Bregu, tërheqjen e disa kandidatëve në qarqe e deri te akuzat e sotme të Topallit dhe Imamit ndaj kryedemokratit Basha, të cilët e cilësuan Republikën e Re të ngjashme me Rilindjen.
Në këtë mënyrë, pas konferencës së përbashkët për shtyp, Jozefina Topalli dhe Arben Imami kanë filluar lëvizjet për të krijuar një lëvizje të re politike, e cili mendohet të rimarrë drejtimin e PD-së. Ata janë bërë bashkë sot duke u takuar në një nga restorantet e Tiranës.
Astrit Patozi, Majlinda Bregu, Jozefina Topalli dhe Keltis Kruja kanë diskutuar lidhur me mospërfshirjen e tyre në listat e kandidatëve për deputetë në zgjedhjet e qershorit dhe për strukturimin e formacionit të tyre të ri politik.
“Kam pas dyshim prej kohësh, por sot s’kam asnjë dilemë se kjo nuk është PD me të cilën unë jam rritur e kam punuar. PD është sot një parti që e ka marrë në dorë Lulzim Basha për llogari të interesave të familjes së tij. Edhe lista është e familjes Basha dhe bizneseve klientë të tij”. Gjithashtu, Topalli falendëroi Berishën, ndërsa tha se edhe pse është lënë jashtë parlamentit, ajo do luftojë kundër Ramës, Bashës dhe Metës: “Do falendroj fort Sali Berishën për të gjithë mundësitë që na ka dhënë. Nuk ecet si do jem unë në pushtet, si do punoj për familjen time. Agjenda personale është një mjerim i madh për këdo që e ka. S’do jem më në parlament, por jam e vendosur të vazhdoj luftën politike kundër Edi Ramës, Lulzim Bashës dhe Ilir Metës”, u shpreh pak orë më parë Topalli.
