Përplasje të forta mes të ftuarve janë shkaktuar mbrëmjen e djeshme në emisionin “Open”, ku shpeshherë deputeti Myslim Murrizi ka ngritur zërin dhe ka dhënë deklarata të forta. Murrizi ka debatuar me moderatoren e emisionit “Open”, Eni Vasili, pasi i devijoi subjektit të emisionit, ku u fol për partitë e reja dhe fragmentarizmin e së djathtës. Debati fillimisht nisi mes Murrizit dhe analistit Agron Gjekmarkaj, kur tha se partitë e reja opozitare i shërbejnë PS, dhe janë krijuar për karrierë politike të disa personave.
Debati
Murrizi: Jam e vetmja parti që nuk është krijuar me urdhër të Ramiz Alisë, dhe nga sigurimi i shtetit. Kam në Parlament në kohët e vështira në Shqipëri.
Gjekmarkaj: Në atë kohë isha gjimnazist në Lezhë. Ç’a prisje, të merrja armët? Jam ditëlindja e 74.
Murrizi: Ke fatkeqësinë se je një ditëlindje me Lulin.
Teksa Eni Vasili e pyeti për partitë e reja që po krijohen, situata mori një rrjedhë tjetër.
Myslim Murrizi: “Më thirr në mbiemër”
Vasili: Po pse si të thirra? A je mirë sot z. Murrizi?
Murrizi: E, ashtu më thirr. Se të njoh që nga mbledhja e Forumit Rinor të PD
Vasili: E ke gabim, s’kam qenë kurrë. Tani ju lutem, se jam drejtuese e “Open”, dhe ç’a ndodh në këtë emision e vendos unë. Për çfarë ke ardhur këtu?
Murrizi: Po jo, unë s’ta prish këtë emision, kam respekt. Kam ardhur i ftuar.
