Në natën e spektaklit të “Big Brother”, Arditi hyri përsëri në shtëpinë VIP për tu sqaruar me Fifin. Tejet e nervrikosur, këngëtarja bëri një deklaratë të papritur. Ajo tha publikisht se Arditin nuk e ka patur asnjëherë mik të ngushtë, dhe se në një këngë që i ka bërë, nuk është paguar për mundin e saj.
“Unë nuk e kam mik të ngushtë Arditin, e kam mik. Kam punuar me të, ia kam bërë dy këngë, tek njëra nuk i mora asnjë lekë. Te tjera vetëm gjysmën e çmimit, sepse unë nuk shitem për pak… Po Ardit, e kam dashur Granitin më shumë se ty brenda”, tha ajo.
Arditi ka sqaruar si qëndron e vërteta, në një intevistë në emisionin e Top Albania Radio-s “Pardon my French”. “Unë nuk e kisha dëgjuar pjesën e këngës, sepse do kisha nxjerrë lekë do e pyesja sa i detyrohem. Nuk më duket aspak profesionale, ndoshta e ka thënë në nerva e sipër për pjesën e këngës. Po, është zhgënjim sepse disa marrëdhënie janë diskrete. Është si të them unë sa e ka Fifi tekstin. Janë disa marrëdhënie profesionale diskrete…
Bëhet fjalë për këngën “Qaj” që i jam shumë mirënjohëse asaj për tekstin. Këngën do e shkruante dikush tjetër, por ajo më tha “të lutem ma shkruaj, dhe s’do të marr lekë”. Nuk ishte kërkesë e imja, ishte ajo që e kërkoi sepse i pëlqeu shumë. Këngën e dytë ia kam paguar sa e ka, jo gjysmë çmimi”.
