Kryeministri Edi Rama ka publikuar një tjetër video në Facebook, ku disa të moshuar shihen duke lëvizur në rrugët e Tiranës.
Përmes një postimi në Facebook, Rama iu bën thirrje qytetarëve që të mos i lënë të moshuarit të dalin nga shtëpia. Sipas tij, qarkullimi në ambientet e jashtme për këto mosha është lojë me jetën.
Rama shtoi se kjo ishte edhe arsyeja pse u ndalua qarkullimi në Parkun e Liqenit dhe zonat e tjera rekreative në Tiranë.
Postimi i plotë:
KJO QË NDODH ME KËTO DY GJYSHET DHE ME ATA GJYSHËRIT ULUR ATJE MBRAPA, ËSHTË E FRIKSHME DHE KREJTËSISHT E PAJUSTIFIKUESHME PËR FAMILJARËT E TYRE!
? PËR KËTO MOSHA KJO ËSHTË LOJË ME JETËN!
? JU LUTEM MOS I LEJONI TË MOSHUARIT DHE FËMIJËT TË DALIN NGA SHTËPIA, JU LUTEM! STOLAT E PARQEVE DHE KËNDET E LODRAVE NË NATYRË JANË BURIM RREZIKU! PRANDAJ PARKU I LIQENIT DHE TË GJITHA HAPËSIRAT REKREATIVE NË ÇDO QYTET, DO TË JENË TË NDALUARA PËR TË GJITHË!
? FRIKË ASPAK, KUJDES PO!
