E diel, 20 Qershor, 2021
28.5 C
Tirana

“Të mos bëhemi mendjelehtë”, Meta del me mesazhin e fortë

Sot kujtohet 5 Maji, Dita e Dëshmorëve të atdheut. Duke ruajtur distancimin social, pa shtrëngime duarsh, krerët e institucioneve më të larta të vendit kanë përkujtuar në këtë ditë dëshmorët e rënë në luftë.

Kryedemokrati Basha ka mbërritur i vetëm, i veçuar nga pjesa tjetër e politikës, në varrezat e Dëshmorëve, në përkujtim të të rënëve në luftë. Zyra e shtypit të PD-së njofton se Basha vendosi një kurorë me lule edhe në nderim të 22 intelektualëve të pushkatuar pa gjyq nga diktatura komuniste, pas bombës në ish ambasadën sovjetike, në simbol të nderimit të opozitarizmit dhe shprehjes së lirë. Basha u përkul me nderim dhe përpara Heroit të Demokracisë, Azem Hajdari.

Nga ana tjetër, në një prononcim për mediat, Kreu i Shtetit, Ilir Meta, u ka përcjellë një mesazh shqiptarëve.

“Kjo është dita e dëshmorëve, e heronjve, e martirëve që sakrifikuan gjithçka për lirinë dhe pavarsinë. Ata na ftojnë me sakrificën e tyre më sublime, që mos të bëhemi mendjelehtë dhe të na marrin lirinë dhe pavarësinë”, u shpreh presidenti Meta.

Po kështu ai apeloi ndaj të rinjve, që të edukohen përmes librave në lidhje me kontributin e çmuar të Luftës Nacional Çlirimtare dhe të heronjve tanë që ranë dëshmorë për atdheun.

“Nuk mund të mos respektoja prezencën tuaj sot në këtë 5 maj, krejt të veçantë si asnjë herë tjetër, për shkak të pandemisë dhe kufizimeve.

Kjo na ka bërë të pamundur që të shkëmbejmë nga afër përshëndetje me familjet e dëshmoreve, me veteranët. I përshëndes prej këtu, ku prehen figura të shquar të luftës nacional çlirimtare.

Kjo është dita për atdheun, për lirinë dhe pavarësinë e Shqipërisë. Kjo është ditë që të ftohemi në sakrificën sublime dhe mos të bëhemi mendje lehtë. Kjo është dita e dëshmorëve, e heronjve, e martirëve që sakrifikuan gjithçka për lirinë dhe pavarësinë, të cilët na ftojnë me sakrificën e tyre më sublime që mos të bëhemi mendjelehtë dhe të marrim lirinë dhe pavarësinë si të dhëna përgjithmonë”, tha Meta.

Meta iu shmang pyetjeve lidhur me vendimin që KLGJ do të marrë sot për qëndrimin në detyrë apo jo të Dvoranit.

Gjithashtu nuk iu përgjigj as pyetjes nëse do ta vazhdonte betejën kundër “grushtit të shtetit”, duke deklaruar se dita e sotme ishte dita dedikuar nderimeve dhe homazheve të dëshmorëve që dhanë jetën për Shqipërinë.

- Reklama -

Më shumë nga kategoria




Të fundit

Euro 2020/ Mbyllet grupi A, Italia dhe Uellsi kalojnë, italianët me rekord

Itali-Uells 1-0 Italia barazoi rekordin e vet të të gjitha kohërave me 30 ndeshje si e pamposhtur pas një fitoreje 1-0 kundër Uellsit në Stadiumin...

Profil/ Ngolo Kante, 5 detaje domethënëse mbi “motorrin” e Francës

I vogli Kante Historia e Kantésë është e ngjashme me atë të shumë emigrantëve nga Afrika. Lindur në periferi të Parisit, nga një familje shumë...

Infektimet/ Shqipëria me vetëm dy raste të reja në 24 orët e fundit, 0 vdekje

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19 dhe të mos...

Formula 1/ “Holandezi fluturues’ mund Hamiltonin në xhiron e parafundit

Max Verstappen rriti diferencën e pikëve nga vendi i dytë në kampionat pasi parakaloi pikërisht atë, të dytin, Lewis Hamilton në një duel tjetër...

E gjithë bota ka nevojë për mbrojtje

Si mund të bëhen të disponueshme më shumë vaksina Covid-19?. Mjetet e rritjes së prodhimit janë më të rëndësishme se pronësia intelektuale, shkruan The...