Ambasadorja e SHBA-ve në vendin tonë Yuri Kim, zhvilloi një takim ditën e sotme me Drejtorin e Agjencisë së Kadastrës Artan Lame. Kim u shpreh se gjatë takimit, u diskutura për progresin e bërë në lidhje me miratimin e ligjit për regjistrimin e pronës, tokën bujqësore.
Kim theksoi rëndësinë e transparencës në procese të tilla, dhe inkurajoi përpjekjet për të zgjidhur çështjet e vështira.
Sipas diplomates amerikane, të paturit ligje të qarta, procese transparente dhe gjykata të pastra, do të tërheqin më shumë investime.
”Unë u takova sot Drejtorin e Agjencisë Kadastrale Lame për të diskutuar progresin e bërë në një vit që nga miratimi i ligjit për regjistrimin e pronës, përfshirë tokën bujqësore. Unë theksova rëndësinë e transparencës në procese dhe inkurajova përpjekjet për të zgjidhur çështje të vështira.
Ligje dhe rregullore të qarta, procese transparente dhe gjykata të pastra do të tërheqin investime më të mëdha dhe do të hapin mundësi më të mëdha ekonomike për më shumë njerëz, jo vetëm disa me mjete “speciale”. Kjo është lidhja midis reformës në drejtësi dhe prosperitetit.”, shkruan Kim në rrjetin social, Twitter.
(1/2) I met today Cadaster Agency Director Lame to discuss progress made in the one year since passage of the law on property registration, including for agricultural land. I emphasized the importance of transparency in processes & encouraged efforts to resolve difficult issues.
— Ambassador Yuri Kim (@USAmbAlbania) June 8, 2021
Pak ditë para zgjedhjeve parlamentare të 25 prillit, u publikua një audio-përgjim ku tregohej si drejtori i Kadastrës, Artan Lame udhëzonte vartësit e tij në lidhje me procesin e legalizimeve.
Mes të tjerash, në audio dëgjohet të thotë se nga 170 mijë dosje legalizimesh, vetëm 60 mijë bëhen, kurse për mbi 100 mijë të tjerë situata duhej mbajtur pezull, pasi mund të humbnin votat për mazhorancën.
