Dogana e Hanit të Hotit bën me dije se dy shtetasit e konfirmuar me koronavirus nuk kanë kaluar në këtë pikë kufitare, por janë futur nga Murriqani.
Zyrtarë të kësaj dogane kanë thënë për “Panorama” se njëri nga dy shtetasit (babai), nuk rezulton i regjistruar as në doganën e Hanit të Hotit dhe as në atë të Murriqanit.
Mësohet se i biri 28-vjeçar është larguar nga Shqipëria në janar dhe është rikthyer në 26 shkurt.
“Dogana e Hanit te Hotit deri tani rrezon deklaratën e Ministrisë se Shëndetësisë. Shtetasi 28 vjeçar, për te cilin ministria ka dhëne emrin nuk rezulton se ka kaluar ne doganën e Hanit te Hotit por atë te Muriqanit. Po ashtu babai i tij nuk rezulton i regjistruar as në Murriqan as në Hanin e Hotit.
Efektivet e shërbimit në piken e Hanit te Hotit prej 4 orësh kane kontrolluar sistemin por nuk rezulton. Madje sistemi është kontrolluar qe nga data 19 shkurt dhe nuk ka asnjë person me atë emër. Shtetasi P.K, 28 vjeç rezulton qe ka hyre drejt Shqipërisë nga Murriqani ndërsa babai nuk rezulton i regjistruar ne asnjë prej doganave. 28-vjeçari është larguar nga Shqipëria ne janar dhe është rikthyer ne 26 shkurt”, bën të ditur Dogana e Hanit të Hotit.
