Kryesia e Kuvendi të Kosovës vendosi që seanca plenare për votimin e qeverisë së re të mbahet këtë të hënë, më datë 3 shkurt në orën 11:00.
Edhe pse vetëm 3 ditë larg kësaj date, LVV dhe LDK ende nuk kanë finalizuar një marrëveshje, çka e bën të paqartë sigurimin e shumicës prej 61 votave në Kuvend për formimin e qeverisë së re.
Por kryetari i Kuvendit të Kosovës, Glauk Konjufca shprehet optimist për rritjen e një marrëveshjeje midis LDK-së dhe VV-së para ditës së hënë.
“Bisedimet po vazhdojnë, nuk ka ende një marrëveshje përfundimtare. Unë jam shumë optimist që marrëveshja do të bëhet dhe që askush nuk do të mund ta ndalë formimin e qeverisë Kurti”, tha Konjufca gjatë një dalje për gazetarët, pas mbledhjes së Kryesisë.
