Deputeti Lefter Maliqi bën thirrje për revolucion, për përmbysjen e pushtetit. Ai ka konfirmuar se do të jetë pjesë e protestës së paralajmëruar për sot në orën 17:30. Thirrja e tij ndaj qytetarëve është që të mbrojnë demokracinë, dhe të ardhmen e vendit.
“Sot ora 17:30, te gjithë bashke ne proteste në mbeshtetje të artisteve pranë Ministrisë se Rendit, te mposhtim friken, ne mbrojtje te demokracisë dhe te ardhmes se vendit”.
Aleanca për Mbrojtjen e Teatrit, së bashku me opozitën, do të zhvillojnë protestën e radhës në Pedonalen e Tiranës, kundër shembjes së Teatrit Kombëtar.
Pritet që në protestë të marin pjesë qytetarë, aktivistë dhe aktorë, të cilët hedhin akuza ndaj Erion Veliajt dhe Edi Ramës për shembjen e kësaj godine.
Kjo është protesta e tretë që zhvillohet për këtë çështje, pas asaj të së dielës dhe së hënës, ku pati edhe dhunë ndaj qytetarëve.
