Opozita nuk ka të ndalur me protestat, deri në rrëzimin e qeverisë Rama. Tashmë është hedhur dritë mbi skenarin e opozitës së bashkuar, se çfarë strategjie do të ndjekin ditën e enjte.
Ndërkohë që shumica e ka përcaktuar tashmë ditën e enjte si ditën e seancës së radhës plenare në Kuvendin e Shqipërisë, opozita nuk ka vonuar të dalë me një vendim.
Ditën e enjte, opozita do të jetë në protestë para Parlamentit, ashtu si ka thënë edhe më herët, se do të protestohet sa herë që të ketë seancë plenare. Protesta do të nisë në orën 09:30, ku protestuesit e thërritur nga opozita do të mblidhen para Parlamentit.
Vendimi i opozitës vjen pas konsultimit me kryetarët e degëve. Burimet shtojnë se protesta do të jetë me simbolika, për të treguar se Kuvendi është zgjedhur nga krimi, dhe jo nga populli.
