Kryebashkiaku i Tiranës Erion Veliaj, ka reaguar pas vendimit të Gjykatës Kushtetuese për Teatrin Kombëtar. Përmes një postimi në rrjetet sociale, Veliaj u shpreh se Kushtetuesja la në fuqi vendimin për prishjen e teatrit.
Ai bazohet në pikën e vetme që është rrëzuar nga Kushtetuesja, ajo për anulimin e vendimit për shembjen e Teatrit Kombëtar, teksa shtoi se tashmë duhet të vijojë puna për ndërtimin e teatrit më të madh në Ballkan.
“Tani te ecim perpara e te ndertojme shtepine me te madhe e moderne te Teatrit ne Ballkan, boll humbem kohe me histeri, si me cdo projekt te madh! Gjykata Kushtetuese i jep të drejtë Bashkisë së Tiranës, lë në fuqi vendimin për prishjen e Teatrit Kombëtar,”- shkruan Veliaj në rrjetin social, Twitter.
Tani te ecim perpara e te ndertojme shtepine me te madhe e moderne te Teatrit ne Ballkan, boll humbem kohe me histeri, si me cdo projekt te madh!
Gjykata Kushtetuese i jep të drejtë Bashkisë së Tiranës, lë në fuqi vendimin për prishjen e Teatrit Kombëtar https://t.co/ChSc3uqSft
— Erion Veliaj #EYC2022 ???? (@erionveliaj) July 2, 2021
Gjykata Kushtetuese ka pezulluar ndërtimin e Teatrit të ri Kombëtar duke rrëzuar kështu ligjin special dhe kalimin e Teatrit në pronësi të Bashkisë Tiranë.
Kushtetuesja i dhënë të drejtë Presidentit Ilir Meta dhe ka rrëzuar Ligjin Special për dhënien me koncesion të hapësirës së truallit të Teatrit Kombëtar, si dhe ka shfuqizuar vendimin për kalimin në pronësi të Bashkisë Tiranë të ndërtesës së Teatrit Kombëtar.
