Bota

“Të dua, të shkruaj kur të shkoj në shtëpi”, mesazhi i fundit nga vajza shqiptare që u vra nga i ati (foto)

               Publikuar në : 13:53 - 25/07/19 M. S

Një mesazh drejtuar shoqes së saj, ishte gjëja e fundit që bëri Sabrina Lekaj, para se të vritej nga i ati i saj. 20-vjeçarja i kishte dërguar një mesazh shoqes së saj të ngushtë ku thuhej “Të dua, të shkruaj kur të shkoj në shtëpi”.

Shoqja e ngushtë tha për mediat australiane se vajza kishte shprehur shqetësim se do t’i bërtiste babai kur të shkonte në shtëpi, pasi e kishte kaluar mbrëmjen duke festuar me të, deri natën vonë.

Vajza njihej si studente e zonja dhe pianiste e talentuar. Gjimnazin e kishte mbaruar në vitin 2016 me mesatare 99.36, ndërsa tani ishte duke vijuar shkollën e lartë për imazheri mjekësore dhe piano klasike, me rezultate të shkëlqyera.

Trupi i saj u gjet në makinën e saj, disa orë pasi i shkroi shoqes këto fjalë. Babai i saj, Petrit Lekaj, 49 vjeç, e vrau me thikë, dhe tashmë është i akuzuari kryesor për ngjarjen e rëndë.

Petrit Lekaj, një shqiptar në Adelaide të Australisë, me origjinë nga Shkodra, po mbahet nga policia si i akuzuar për vrasjen e vajzës së tij, Sabrina Lekaj, pasi kishte dalë me shoqet gjatë natës.

20-vjeçarja u gjet e vrarë në makinë, e goditur me thikë, pak orë pasi ishte ndarë nga shoqet. E ëma e saj telefonoi policinë të paktën një orë pasi vajza kishte vdekur.

Policia gjeti babain 49-vjeçar pranë saj, brenda në makinë, të lyer me gjak dhe me plagë thike në bark. Policisë i është dashur që të thyenin xhamin e makinës, që t’i nxirrnin të dy. Babai u mor në pyetje dhe më pas u mbajt i arrestuar, ndërkohë që ndaj tij është ngritur akuza për vrasjen e së bijës. Ai pritet të dalë në gjyq këtë të premte.

Vrau të bijën pasi doli natën me shoqet, babai shqiptar pritet të merret në pyetje (foto)

 

 

Kthehu
WhatsApp Denonco ne TT