Tërmeti me magnitudë 4.9 ballë i shkallës Rihter që goditi mbrëmjen e djeshme Durrësin, ka futur në panik një pjesë të mirë të qytetarëve të cilët kanë dalë menjëherë në rrugë.
Ekspertët iu bënë thirrje qytetarëve se tërmeti ishte vetëm një pasgoditje e lëkundjeve të mëdha që u regjistruan në 26 nëntor dhe se nuk duhet të shqetësoheshin.
Ndërkohë IGJEUM bën me dije se pas atij të mbrëmshmit janë ndjerë edhe shtatë lëkundje të tjera në vend. Tërmeti më i fundit ka rënë në orën 7 të mëngjesit dhe epiqendra ka qenë në Korçë. Kryesisht tërmetet që kanë rënë gjatë natës, kanë pasur magnituda më të vogla se 3 i shkallës Rihter.
