Presidenti Ilir Meta i ka kërkuar kryeministrit Rama dhe ambasadorëve të huaj që të japin propozimet e tyre për zgjidhjen e krizës politike në të cilën ndodhet vendi prej kohësh.
Gjatë një konference për shtyp, Meta reagoi ashpër ndaj të ndërkombëtarëve, për të cilët tha se në vitin 2008 u tallën me Shqipërinë, ndërsa u shpreh më tej se ka ardhur momenti që politikanët shqiptarë të bëhen burra shteti dhe t’i zgjidhin vetë gjërat.
“Rama e ata që s’më duan të vënë kandidat kë të duan. Të mos shkojnë sërish e të na futen nëpër ambasada, apo të ikin, boll e zbrazëm Shqipërinë. Ne do ta bëjmë Shqipërinë një vend evropian, të kthehen edhe refugjatët. Kjo është zgjidhja që unë jap, nuk është turp nëse nuk më votojnë. Njerëzit duhet të kenë besim te vota e tyre. Kjo është rruga e zgjidhjes së krizave.
Nëse ka propozim Rama le ta bëjë, ose ndonjë ambasadat që flet për dialog apo nxit sherr. Asnjë propozim që dhunon parimet e të drejtës nuk e pranoj. Jemi vend i NATO-s, mos të tallen me Kushtetutën tonë, u tallën njëherë në 2008, kur i mbanin ISO-n Ramës e Doktorit. Njëri prej tyre është akoma ambasador këtu. Duhet të bëhemi burra shteti dhe t’i zgjidhim gjërat vetë. Kush janë këta ambasadorë që kujtohen një ditë para zgjedhjeve dhe thonë do ta bëjë Gjykata Kushtetuese”, tha Meta.
