Kryeministri Edi Rama ka publikuar së fundmi në rrjetin social Facebook progresionin e epidemisë pas rastit të 20 në disa vende, ku shfaqet edhe rezultati për Shqipërinë.
“Kurba e rritjes së presionit të armikut e matur për çdo vend pas 20 rasteve të para, ku mund të shihni rezultatin e masave shtrënguese dhe rezistencës fantastike të 99% të shqiptarëve deri tani”, shkruan Rama.
Në vijim, Kreu i Qeverisë, i shtron pyetjen kritike qytetarëve shqiptarë.
“Tani si do vazhdojmë, me ngjitje të butë që të shpëtojmë Shqipërinë nga katastrofa, duke bërë Rezistencë për Ekzistencë apo do lëshohemi në krahët e frikës se “do vdesim për bukë”, që pastaj kjo shigjeta e kuqe të iki lart si raketë dhe ne të biem në këmbët e armikut duke numëruar qindra e mijëra të vdekur(?)!”- shkruan kryeministri Rama.
Kujtojmë se në vendin tonë si pasojë e koronavirusit deri më tani kanë ndërruar jetë 10 persona.
