Xheison Bafti, i njohur me pseudonimin “Taramelja”, është kthyer në vogëlushin më të dashur për shqiptarët. Ai ka marrë këtë pseudonim, pasi nuk arrin të shqiptojë shkronjën ‘K’.
Ndryshe nga fëmijët e tjerë, ai ka marrë vëmendje jo vetëm në emisionin “Në kurthin e Piter Pan”, por edhe jashtë saj. Për shkak të pyetjeve që ai bën, është kthyer në një personazh në rrjetet sociale, madje duke thyer edhe rekorde.
Është vetë moderatorja Alketa Vejsiu, e cila ka postuar një video nga puntata më e fundit e “Piter Pan” ku shfaqet Xheision, dhe në përshkrimin e videos shkruan se ai ka arritur 60 mijë ndjekës në Instagram.
“E di që keni merak ta degjoni pak @xheison.bafti_official ( vajti 60.000k). Ka vipa që kanë punuar gjithë jetën, por 60 mije zemra në 4 javë s’kanë mundur ti pushtojnë dot!”, shkruan ajo bashkëngjitur videos në fjalë.
