Madonna, këngëtarja e famshme i ka surprizuar të gjithë kur është shfaqur e veshur si një grua myslimane e devotshme, e mbuluar kokë e këmbë në aeroportin JFK të Nju Jorkut. Në një kohë kur myslimanët në mbarë botën festojnë muajin e shenjtë të Ramazanit, këngëtarja shfaqet e veshur edhe me burka.
Menjëherë kanë filluar akuzat ndaj saj dhe është pikërisht moderatori i njohur britanik Piers Morgan që e ka sulmuar shfaqjen e Madonna-s. Ai thotë se këngëtarja njihet botërisht se është anti-myslimane dhe me veshjen e saj të fundit nuk ka bërë gjë tjetër veçse të tallë myslimanët në mbarë botën, duke arritur llumin për pak vëmendje më tepër.
“Ajo nuk shkon në asnjë vend e maskuar. Ajo nuk dëshironte të mos e njihnin të tjerët. Pasi Madonna vdes për të qenë në qendër të vëmendjes dhe kudo që shkon nuk fshihet. Megjithatë ajo zgjodhi të veshë burka në një prej aeroportëve më të famshëm në botë. Dhe ajo e dinte shumë mirë se çfarë po bënte”, shkruan Morgan ndër të tjera.
“Por pse e bëri Madonna këtë gjë? Sepse ajo ka një koncert së shpejti, dhe përdor metoda të vjetra dhe të testuara të bërjes së skandaleve për të tërhequr vëmendje. Dhe zgjodhi që për të mbushur xhepat me paratë e biletave, duke u tallur me gratë myslimane. Nuk është hera e parë që Madonna tallet me besimet fetare”, shkruan moderatori Morgan.
