Shqipëria vijon përgatitjet për strehimin e mijëra afganëve. Në Rinas janë tashmë gati çadrat pritëse për trajtim mjekësor e psikologjik.
Po kështu, sikundër ishte njoftuar edhe më herët, konviktet në “Qytetin Studenti” kanë gati 1200 shtretër. Ende nuk ka asnjë datë apo orar fiks se kur pritet që të vijnë në vendin tonë, për t’u strehuar përkohësisht në vendet e përcaktuara nga autoritetet shqiptare.
Ndonëse ishte parashikuar që avioni të vinte sot, fluturimi është shtyrë pasi talebanët kanë rrethuar aeroportin e Kabulit, duke penguar largimin e afganëve të cilët kanë punuar për perëndimin.
Sot u mësua se përveç Tiranës dhe Durrësit, edhe Berati do të hap dyert për të pritur afganët. Në Tiranë do shërbejnë konviktet e “Qytetit Studenti” si strehë për bashkëpunëtorët e perëndimit në Afganistan, në Durrës do të jenë hotelet, teksa në Berat nuk ka ende detaje.
