E hënë, 6 Dhjetor, 2021
11.5 C
Tirana

Talebanët ia presin kokën volejbollistes afgane

Militantët talebanë dyshohet se i prenë kokën një anëtareje të ekipit kombëtar afgan të volejbollit. Ky fakt i tmerrshëm është konfirmuar nga trajneri i ekipit. Sipas një raporti, talebanët i kanë prerë kokën një lojtareje të volejbollit, dhe kanë postuar fotografinë e kokës së saj në mediat sociale.

Mahjabin Hakimi, një yll në rritje i Klubit të Volejbollit në Kabul, u masakrua nga xhihadistët në fillim të këtij muaji, tha trajneri i saj në një intervistë me “The Persian Independent”.

Mahjabin ishte vrarë në mënyrë misterioze, një javë para se talebanët të ‘kapnin’ Kabulin. Pretendime të tjera thanë se ajo kishte kryer vetëvrasje. Një fotografi e supozuar e kufomës së Mahjabin tregoi një dëmtim në qafën e saj, por është e pamundur të thuhet nëse kjo është shkaktuar nga një thikë.

Vdekja e vajzës po raportohet tani, pasi trajneri tha se militantët islamikë kërcënuan familjen e saj që të mos i tregonin askujt se çfarë kishte ndodhur.

“Të gjithë lojtarët e ekipit të volejbollit dhe pjesa tjetër e grave sportiste, janë në një situatë të keqe dhe në dëshpërim dhe frikë”, tha ai. “Të gjithë janë detyruar të ikin dhe të jetojnë në vende të panjohura”. Mahjabin luajti volejboll për klubin e Kabulit, para se talebanët të merrnin pushtetin nga qeveria e mbështetur nga SHBA në fund të gushtit.

Trajneri tha se ajo ishte një nga dy vajzat që nuk kishin arritur të iknin nga Afganistani.

Raportimet se asaj iu pre koka, kanë nxitur frikën tek atletet e tjera femra që janë fshehur. Nën interpretimin e tij të rreptë të ligjit të Sheriatit, talebanët nuk i lejojnë gratë të luajnë sport, të marrin pjesë në punë ose arsimim.

Gratë që kundërshtojnë dekretet e grupit terrorist, rrezikojnë torturën dhe vdekjen. Ekipi kombëtar i volejbollit i grave afgane, u ka bërë thirrje organizatave të huaja për ndihmë për t’i larguar ato nga vendi, por deri më tani kanë qenë të pasuksesshme.

Burimi i lajmit: Dailymail. Përshtatur nga Tirana Today

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...