E enjte, 2 Dhjetor, 2021
13.5 C
Tirana

“Ma gjej numrin e kësaj gocës me Toyota”, plas skandali me policët në Tiranë

Një polic i fiksuar pas një vajze, ka kërkuar ndihmën e kolegëve të tij për të poseduar të dhënat. Kjo nuk është një ngjarje e trilluar, por një histori e vërtetë që përfundoi me arrestimin e këtyre personave. Prokuroria e Tiranës ka lëshuar një ditë më parë urdhra arrestimi për tre punonjës policie të Tiranës, të cilët janë kapur në shkelje duke “shpërdoruar detyrën”. Polici i arrestuar Durim Murja është telefonuar në datën 8 gusht nga kolegu i tij Jon Burri, i cili i ka kërkuar të dhëna në lidhje me pronaren e një makine që ai e kishte parë në lavazh. Jon Burri i ka kërkuar kolegut të tij të dhëna në lidhje me identitetin, numrin e telefonit të vajzës me inicialet A.C, pasi e kishte pëlqyer kur e kishte parë teksa kishte çuar makinën në lavazh.

Sipas prokurorisë, fillimisht Murja ka hezituar, por pas ngulmimit nga Jon Burri, ka pyetur kolegen e tij Matilda Hamollari që t’i ofrojë të dhënat në fjalë. Ata i kanë siguruar Jon Burrit të dhënat e vajzës, duke kryer një shkelje të rëndë të ligjit “mbi të dhënat personale”, krahas “shpërdorimit të detyrës”.

Prokuroria ka pyetur edhe vajzën që kishte fiksuar policin, por ajo është shprehur se nuk ka autorizuar askënd që të kontrollojë të dhënat e saj në sistemin e targave të policisë.

Nisur nga shkelja në fjalë, prokuroria lëshoi urdhër arresti për efektivët e policisë:

Durim Murja -Patrullë e Përgjithshme në Komisariatin e Policisë Nr.1, Tiranë.

Jashar Shehu -Patrullë e Përgjithshme në Komisariatin e Policisë Nr.1, Tiranë.

Arjan Balla -Patrullë e Përgjithshme në Komisariatin e Policisë Nr.1, Tiranë.

Ndërkohë, Matilda Hamollari, pjesë e patrullës së Përgjithshme në Komisariatin e Policisë Nr.1, Tiranë, ndodhet në “arrest shtëpie”.

“Numri i shtetasit Durim Murja është vënë në përgjim me vendim gjykate. Në datën 09.08.2021 ora 17:00 këtë shtetas e telefonon kolegu i tij Jon Burri i cili i kërkon t’i japë të dhënat e plota për një automjet me targa AB XXX CP dhe pronaren e tij pasi e kishte parë në një lavazh dhe e kishte pëlqyer si femër.

Fillimisht Durim Murja stepet se për të bërë këtë veprim duhet krijuan një numër unik në sallën operative, por më pas nëpërmjet koleges Matilda Hamollari, ku kjo e fundit telefonon në sallën operative të Komisariatit të Policisë Nr.1 nxjerrin të dhënat e plota të automjetit me targa AB XXX CP si emri i pronares A.C. dhe ja transmetojnë shtetasit Jon Burri.

“Është pyetur shtetësja A.C., e cila shprehet se nuk ka autorizuar askënd të hyjë në të dhënat e saj personale, ndihet e shqetësuar që ky fakt ka ndodhur dhe kërkon që të zbulohet e vërteta. Ngjarjen e konfirmojnë me thëniet e tyre shtetasit Matilda Hamollari dhe Jon Burri”, është kjo një pjesë e dosjes.

- Reklama -

Më shumë nga kategoria




Të fundit

24 vende të botës me Omicron, OBSH: Rrezik më i lartë i ri-infektimit

Zyrtarët shëndetësorë thonë se varianti i ri i koronavirusit Omicron tani është bërë dominues në Afrikën e Jugut, dhe po nxit një rritje të...

Greqia konfirmon rastin e parë të Omicron. Gjobë kush nuk vaksinohet

Greqia ka raportuar rastin e parë të variantit të koronavirusit Omicron në ishullin e Kretës, njoftoi sot në mëngjes Ministri grek i Shëndetësisë, Thanos...

Akuzat për “Toyota Yaris”, Balla-Bashës: Kallëzoje penalisht Berishën

Në Kuvend janë rikthyer sërish përplasjet e ashpra ndërmjet mazhorancës dhe opozitës, në lidhje me ndryshimet në ligjin për "Pastrimin e parave". Kreu i...

4 mijë euro për gradën “Nënkomisar”, SPAK del me njoftimin e rëndësishëm

Një kryekomisar, me detyrë Lektor në Fakultetin e Hetimit pranë Akademisë së Sigurisë si dhe një Inspektor në Drejtorinë e Qarkullimit Rrugor të Policisë...

Basha: Institucionet shtetërore me kod omerta të mafies, pranoni Vettingun

Kryedemokrati Basha, nga Kuvendi bëri thirrje që të pranohet kërkesa për Vettingun në politikë. Gjatë fjalës së tij në seancën plenare në Kuvend, Basha...